03:19 م
الأربعاء 06 مارس 2024
البحيرة – أحمد نصرة:
أسهمت المنافسة المحتدمة بين كبار تجار الخضر والفاكهة بمحافظة البحيرة، وإعلانهم عن مبادرات خاصة بهم في النزول بأسعارها بدرجة ملحوظة، وهو ما استفاد من المستهلك بشكل واضح.
ولجأ أصحاب تلك المبادرات من تجار التجزئة إلى البيع للجمهور بأسعار أقرب إلى الجملة من خلال بيع السلع بالعداية والبرنيكة، والكرتونة، و الجوال.
يقول جمال الضبع – تاجر خضروات: ” سياستنا بيع كتير بهامش ربح بسيط هتلاقي نفسك في الآخر كسبت والزبون مبسوط، لو كل التجار عملوا كده الأسعار هترخص”.
ويقول أبو فاطمة – تاجر: ” إحنا أول ناس نزلنا الأسعار، بعد كده ناس كتير قلدتنا، ومش زعلانين، بالعكس، إحنا فرحانين إننا كنا سبب في نزول الأسعار”.
ووصل سعر كيلو الطماطم داخل العداية في العروض إلى 3.5 جنيه، والفراولة 13.5 جنيه، والبسلة 18 جنيها، والبصل الأبيض 10 جنيهات.
يقول محمود البنا: ” التجار عملوا مبادرات وبقوا بينافسوا بعض ودي حاجة كويسة لينا كمستهلكين، عندنا بدائل كتير ونعرف نختار أفضل جودة وأقل سعر”.
وتقول مرفت العدوي – ربة منزل: ” بدل ما اشتري الخضار بالكيلو بقيت أشتريه بالعداية وأقسمه أنا وأختي، بتفرق في السعر كتير والحاجة بجيبها بنص سعرها”.
