04:21 م
الأربعاء 07 فبراير 2024
كـتب- علي شبل:
نصح الدكتور عمرو الورداني، أمين الفتوى بدار الإفتاء المصرية، وخبير العلاقات الأسرية، الآباء والأمهات في علاقتهم بأبنائهم وبناتهم، كاشفا عن عدة مبادئ مهمة لعلاقة سليمة مع الأبناء وتربيتهم بطريقة إيجابية تساعدهم في تكوين شخصياتهم.
كيف تتعامل الأسر مع البنات نصيحة للأم للتعامل مع بناتها عندما تخبرها بأن هناك شابًا معجبًا بها، قضية تصدى لها الورداني، وقال، خلال برنامج «ولا تعسروا»، عبر قناة مصر الأولى: «لما بنتي تيجي تقولي أنا حاسة إن الولد الفلاني ده معجب بيا أو بيكراش عليا، لازم نسمعها».
وأضاف أمين الفتوى بدار الإفتاء: «أنا مش بقول للأولاد يتجرأوا على الأخلاق والقيم ويقولوا كده، لكن أنا بتكلم عن الواقع، نسمع، ونعلم أولادنا إن مش كل حاجة بنتصورها أو نحسها بتكون حقيقة، بس هنعرف ده امتى لما أولادنا يتكلموا».
وتابع الورداني: «نتكلم، فأولادنا يحسوا إن الحكاية مش جامدة أوى ولا بتتخبى، مش لازم نراقب ولا نفتش، لازم نستمع، التجسس مش تصرف تربوي أبدًان الأولاد لازم يتعلموا إن المراقبة في الأساس هي مراقبة الضمير».
وتابع خبير العلاقات الأسرية والمجتمعية: «لازم ننشط الضمير عند أولادنا، لأنه طوق النجاة اللي هيتمسكوا بيه، الضمير أحد تجليات تثبيت الله، لازم أكرث في ابني إنه فيه معاملة بينه وبين ربنا، وإن ربنا بيحبه ودايمًا بينظر إليه نظر الود والمدد، فيتعلم الحياء مع الله، وإنه دايمًا مش لوحده».
اقرأ أيضًا:
توضأت فغسلت رجلي اليسرى قبل اليمنى فهل يبطل الوضوء؟.. عالم أزهري يوضح
الخروج الكلي عن قوانين البشر.. علي جمعة يكشف عن قضيتين في معجزة الإسراء والمعراج
