الفن والفنانين

مصطفى كامل: “اللي جاي يعمل مصالح هيخرج بميراث سيء لعائلته”


07:57 م


الثلاثاء 13 يونيو 2023

كتب- مروان الطيب:

تصوير- نادر نبيل

أقامت نقابة المهن الموسيقية مساء اليوم الثلاثاء مؤتمراً صحفياً بمقر النقابة بحضور الفنان مصطفى كامل وأعضاء مجلس الإدارة والإعلان عن استمراره نقيباً للمهن الموسيقية لمدة 4 سنوات بالتزكية نظراً لعدم ترشح أي من الأعضاء لمقعد النقيب.

وقال مصطفي كامل: “حد يقولي طب فيه فلان شريف بس سلبي أنا عندي وجهة نظر وقناعة شخصية السلبي كما الفاسد طالما أنت مش راجل إيجابي وراجل تعرف تقاتل عشان حق ربنا وحق البسطاء يبقي برضه ملكش مكان معانا مجتمعنا دلوقتي عاوز الكل يبقي مواتير عشان أبسط حاجة المردود تكون دعوة تعود لنا في أولادنا”.

واستكمل: “اللي فاكر إنه داخل معايا يعمل مصالح هيخرج بميراث سيء لعيلته مش بس هنقوله يالا مع السلامة وعرفت إن كان في قضايا فساد هنا بتتلم في الدرا أقسم بربي هشتغل بالقضاء وعلى صفحتي وموقع النقابة هيتم تفعيله والصحافة هتبقي معايا ليل نهار وأي حد ناوي على فساد من فضلكم يفسح الطريق لزملائه اللي عاوزين يعملوا حاجة”.

وأكد مصطفي كامل عقب فوزه بمقعد النقيب: “”ده عمل خدمي من غير أجر واللي جاي جاي يشيل عبء شخصي وبدني لنفسه ولأسرته وربنا وحده اللي يعلم مين من الناس اللي بتجتهد وبتفقد بسبب المنصب ده علاقاتها الأسرية لأنك طول اليوم بتحل في مشاكل زمايلك وشايل هم الحكاية وربنا يجازي كل حد خسر قد ايه من جهده ومن وقته ومن علاقته بولاده وبيته وأنا بقولها كتير مبقاش في حكاية أسرية بتجمعني مع زوجتي”.

واستكمل “الحمد لله أنا راضي والحمد لله دعوات الناس بتوصلني وبتجيني على موبايلي وزوجتي بتسمعها والأولاد بترضينا من جوه إلا أن يأتي الوقت اللي أحس فيه أني فعلاً غير قادر احنا بنؤسس دلوقتي لمبدأ الشرف حتي في العملية الانتخابية بنأسس المرة دي أن لن يعتلي هذه المقاعد تاني إلا من تنطبق عليهم كل شروط المهنة ينطبق عليه الشكل والموضوع انه حسن السير والسمعة وانه مش جاي يتكسب هنا من النقابة ومن مال الغلابة”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى