الفن والفنانين

زوجة “أبو” تكشف تفاصيل إصابة نجلهما بتهشم في الأنف وارتجاج بالمخ بسبب لعبة ملاهي


11:33 ص


الثلاثاء 07 ديسمبر 2021

كتب- عبد الفتاح العجمي:

كشفت نهال لهيطة، زوجة الفنان “أبو”، تفاصيل نجلهما (11 عاما) بكسر في الأنف وارتجاج في المخ بسبب لعبة في ملاهي أحد المولات الشهيرة.

وقالت لهيطة، خلال مداخلة هاتفية مع برنامج “الحكاية” عبر قناة “mbc مصر”: “ابني كان في ركن ألعاب الأطفال بأحد المولات الشهيرة، والمسئول عن اللعبة وجه ابني أنه ينط من أعلى نقطة بظهره، الولد فعلا نط وبعد ما نط لقينا أن مناخيره اتكسرت، وبعد ما روحنا المستشفى لقيناها اتدشدت، مفيش مناخير دلوقتي”.

أضافت: “المفروض في دكتور في المكان، وملقناش الدكتور، واستعانوا بدكتور آخر قال إن مناخيره اتكسرت، وعمل حاجة في مناخيره من غير إذني، ولما نقلناه المستشفى طلع عنده ارتجاج في المخ، وقعدنا 40 ساعة بيرجع دم، دلوقتي مش بيعرف يتنفس من مناخيره، إحنا دلوقتي المفروض نعمله مناخير، وبعدها عملية تجميل”.

تابعت: “أنا بحذر كل الأهالي وكل أولياء الأمور، ده مش المفروض يحصل لأي طفل تاني، اللي حصل كارثة، كانت رقبته ممكن كمان تتكسر.. ليه الواحد يعرض أطفاله للخطر ده؟ وأنا عملت محضر وبحذر كل الأهالي ياخدوا بالهم من أولادهم”.

يذكر أن أخر أعمال أبو أغنية “ملكة الحلوين” من ألبومه الجديد “آن الأوان”، من كلمات أيمن بهجت قمر وألحان محمد يحيى وتوزيع مينو ومن إنتاج “أبو ميوزيك” وتوزيع شركة “ديجيتال ساوند”.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى